Орталық қалалық кітапханада 8 наурыз Халықаралық әйелдер күніне орай балаларды мейірімділікке, аналардың өлшеусіз еңбегін бағалай білуге үйрету, парасаттылыққа тәрбиелеу мақсатында «Адамзаттың асылы – Ана деген құдірет» атты мерекелік кеш өтті.
Іс-шараға «Сырласу» клубы мүшелері және № 9 ОМ 9 «Ә» сынып оқушылары қатысты. Мерекелік шараның алғашқы құттықтау сөзінде кітапхана басшысы Б.Ермековна жиналған қауымды мерекемен құттықтап өз ыстық ықыласын білдірді. Әжелер оқушыларға кесте тігу, тоқыма тоқу, құрақ құрау қыр-сырларын айтып түсінік берді. Мерекелік көңіл күй сыйлайтын әндер шырқалып, «Сақина салу» ұлттық ойыны ойнатылды. Балалар мерекемен құттықтап тақпақтар оқып, өз қолдарымен жасаған гүлдерін әжелерге сыйға тартты. Оқушыларға тәттілер үлестірілді.