Ақпаратты-библиографиялық бөлімі тарихи-өлкетану музейімен және Жастар ресурстық орталығымен бірлесіп, «Бөгенбай сөресіне» сапар шегу арқылы «Бабалар коды» еске алу соқпағын өткізді. Сапарға қатысушылар Степногорск қаласынан шамамен 30 шақырым жерде орналасқан Бөгенбай ауылына барды. Тарихи мәліметтер бойынша, XVIII ғасырда бұл жерде қазақ даласының көрнекті қорғаушыларының бірі — аты аңызға айналған Бөгенбай батырдың уақытша қорымы орналасқан. Ескерткіш мемориалының жанында қатысушылар батырдың өмір жолы мен ерлік тарихымен танысып, оның халық тағдырындағы рөлі және Бөгенбай тұлғасының ұлттық тарих үшін маңызы туралы мәлімет алды. Әсерлі баяндама, тарихи орынның ерекшелігі және туған өлкенің өткен тарихымен танысу мүмкіндігі бұл сапардың маңыздылығын арттырды.
